अमेरिकी डलर थप मजबुत बन्दै, अन्तर्राष्ट्रिय बजारमा डलर २० हप्ता यता कै महंगो

काठमाडौं, २ जेठ । अमेरिकी डलरको दबाव बढ्दै गएको छ । अन्तर्राष्ट्रिय बजारमा अमेरिकी डलर २० हप्ता यता उच्च विन्दुमा पुगेको छ ।

अन्तर्राष्ट्रिय शेयर बजारमा आएको गिरावटको कारण अमेरिकी डलर तर्फ लगानीकर्ताहरुको आकर्षण बढेको हो । यता लगानीकर्ताहरुको आकर्षणमा आएको वृद्धिको कारण अन्य मुद्राको तुलनामा अमेरिकी डलर थप बलियो बनेको छ । अमेरिकी डलर बलियो बन्दै जाँदा यसको प्रभाव हामी कहाँ पनि परेको छ । नेपाल राष्ट्र बैंकले प्रकाशन गरेको विदेशी विनिमय दर अनुसार आज जेठ २ गते एक अमेरिकी डलरको विनिमय दर नेपाली १०९.२२ रुपैयाँ पुगेको छ । जुन गत १६ महिना यता कै उच्च हो । यस्तै २०७४ पौष १७ गते एक अमेरिकी डलरको विनिमय दर ११०.११ रुपैयाँ पुगेको थियो । जुन हालसम्म कै उच्च हो ।

नेपाल जस्तो आयातमा निर्भर हुने मुलुकमा अमेरिकी डलर महंगो हुँदा मुल्यवृद्धि बढ्ने हुन्छ । आयातित वस्तुहरु अमेरिकी डलरमा खरिद गरिने भएको कारण वस्तु तथा सेवाको मुल्यमा वृद्धि हुन आउँछ ।

Leave a Reply

Your email address will not be published. Required fields are marked *