मौद्रिक नीतिको प्रभाव सेयर बजारमा देखिएन, परिसूचक १३ अंकले घट्यो

काठमाडौं, २८ असार । साताको अन्तिम कारोबार दिन आज सेयर बजारमा दोहोरो अंकको गिरावट आएको छ । बजार १३.६६ अंकले घटेर ११९१.९८ बिन्दुमा झरेको छ।

नेपाल राष्ट्र बैंकले हिजो सार्वजनीक गरेको आगामी आर्थिक वर्ष २०७५÷०७६ को मौद्रिक नीति सेयर बजारप्रति सकारात्मक देखिए पनि बजारमा भने खासै प्रभाव परेन । मौद्रिक नीति लगानीकर्ताको हित अनुकुल रहेकाले सेयर बजारमा त्यसको सकारात्मक प्रभाव पर्ने विश्लेषण गरिएको थियो । तर आज परिसूचकसँगै कारोबार रकममा पनि हिजोको तुलनामा दुई करोडले कम भयो ।

आज उत्पादन तथा प्रशोधन समूहको परिसूचक २.८ अंकले बढेपनि अन्य सबै समूहको परिसूचक घटेको छ । सबैभन्दा बढी बीमा समूहको परिसूचक १०७.५८ अंकले घटेको छ ।

त्यस्तै १ सय ६५ कम्पनीको १७ लाख २० हजार ८ सय ८० कित्ता सेयर ४५ करोड ४४ लाख रुपैयाँ बराबरमा कारोबार भएको छ ।

Leave a Reply

Your email address will not be published. Required fields are marked *