स्ट्याण्डर्ड चार्टर्ड बैंकको मुनाफा १५० करोड, प्रति शेयर आम्दामीमा गिरावट

काठमाडौं, १३ वैशाख । स्ट्याण्डर्ड चार्टर्ड बैंकले चालु आर्थिक वर्षको तेस्रो त्रैमासिकको वित्तीय विवरण सार्वजनिक गरेको छ । वित्तीय विवरण अनुसार गत आर्थिक वर्षको सोहि अवधिको तुलनामा समिक्षा अवधिमा बैंकको प्रति शेयर आम्दामी गिरावट आएको छ । गत आर्थिको वर्षको तेस्रो त्रैमासिकमा प्रति शेयर आम्दामी ३७.८४ रुपैयाँ रहेकोमा चालु आर्थिक वर्षको सोहि अवधिमा बैंकको प्रति शेयर आम्दामी २५.१२ रुपैयाँ रहेको छ । बैंकले चुक्ता पुँजीलाई बढाएको कारण प्रति शेयर आम्दामीमा गिरावट आएको हो । बैंकको हाल चुक्ता पुँजी ८ अर्ब रुपैयाँ पुगेको छ ।

चालु आर्थिक वर्षको तेस्रो त्रैमासिकमा बैंकले १ अर्ब ५० करोड रुपैयाँ खुद मुनाफा आर्जन गरेको छ । गत आर्थिक वर्षको सोहि अवधिमा बैंकको खुद मुनाफा आर्जन १ अर्ब ६ करोड रुपैयाँ रहेको थियो । यस्तै समिक्षा अवधिमा बैंकको निक्षेप संकलन ६१ अर्ब रुपैयाँ र कर्जा प्रवाह ४६ अर्ब ४० करोड रुपैयाँ रहेको छ । गत आर्थिक वर्षको सोहि अवधिको तुलनामा बैंकको निक्षेप संकलनमा १२.२९ प्रतिशतले कमी आएको छ भने कर्जा प्रवाह २४.३३ प्रतिशतले विस्तार भएको छ । गत आर्थिक वर्षमा बैंकले ६९ अर्ब ५६ करोड रुपैयाँ निक्षेप संकलन गरि ३७ अर्ब ३५ करोड रुपैयाँ कर्जा प्रवाह गरेको थियो ।

बैंकले समिक्षा अवधिमा २ अर्ब २३ करोड रुपैयाँ खुद व्याज आम्दामी गरि २ अर्ब ३१ करोड रुपैयाँ संचालन मुनाफा आर्जन गरेको छ ।

Leave a Reply

Your email address will not be published. Required fields are marked *