स्थानीय तहको चुनावको मिति तोक्न सरकारलाई संसदीय समितिको निर्देशन

समितिले बुधबार स्थानीय विकास मन्त्री, निर्वाचन आयोगका पदाधिकारी र स्थानीय तह पुनर्संरचना आयोगका पदाधिकारीसँग छलफल गरेको थियो । बैठकले स्थानीय तह पुनर्संरचनाको प्रतिवेदन छिटो बुझ्न र निर्वाचनको वातावरण बनाउन पनि सरकारलाई निर्देशन दिएको छ ।

साथै निर्वाचनका लागि आवश्यक कानुनहरु संसदमा पेश गर्न तथा संविधान एवं संघीयता कार्यान्वयन गर्ने कार्यलाई पहिलो प्राथमिकतामा राखी कार्य सम्पादन गर्न भनेको छ । ‘स्थानीय तहको निर्वाचन गर्ने कार्यलाई केन्द्रविन्दुमा राखेर राजनीतिक सहमतिका साथ आपसी सहयोगसहित सक्रिय रहन समिति सम्पूर्ण संसदीय दलहरुलाई आग्रह गर्दछ,’ विकास समितिको निर्णयमा भनिएको छ ।

विकास समितिले स्थानीय तहको निर्वाचनका लागि आवश्यक पर्ने प्रवन्धकीय एवं व्यवस्थापकीय कार्यलाई तिब्रताका साथ अघि बढाउन र निर्वाचनमा आउन सक्ने प्राविधिक चुनौतिहरु ब्यालेट पेपर प्रिन्टिङ लगायतको आंकलन गरी काम गर्न सरकार र निर्वाचन आयोगलाई भनेको छ ।

Leave a Reply

Your email address will not be published. Required fields are marked *