यातायात व्यवसायी महासंघका अध्यक्ष कर्माचार्य पक्राउ, नयाँबजार —रत्नपार्क रुटका माइक्रोको रुट परमिट खारेज
काठमाडौं, २३ वैशाख । प्रहरीले राष्ट्रिय यातायात व्यावसायी महासंघका अध्यक्ष योगेन्द्र कर्माचार्य, वरिष्ठ उपाध्यक्ष विजय स्वाँर, उपमहासचिव वसन्त भण्डारी लगायतलाई शनिबार पक्राउ गरेको छ । शुक्रबारको हड्ताल सफलतापूर्वक सम्पन्न भएको समीक्षा सहित २२ गतेदेखि हड्ताल फिर्ता लिएको सार्वजनिक सूचना प्रकाशन गरेपनि शनिबार उनीसहित अन्य पदाधिकारीहरुलाई पक्राउ गरी हनुमान ढोका लगिएको छ । महासंघका महासचिव पुण्यप्रसाद सिटौला (सरोज) भने शुक्रबार नै पक्राउ परेका थिए ।
यातायात व्यवसायी संघले आन्दोलनका कार्यक्रम फिर्ता लिएर शुक्रबार पक्राउ परेका सिटौला, उपाध्यक्ष कृष्णप्रसाद सुवेदी, सहकोषाध्यक्ष डम्बर पन्त लगायतको बिनाशर्त रिहाइको माग गरिएको छ । यसैबीच यातायात व्यवस्था विभागले नयाँ बसपार्कदेखि रत्नपार्कसम्म चल्ने माइक्रोको रुट परमिट खारेज गरी दीगो यातायात प्रालिलाई लामा बसहरु सञ्चालन गर्न अनुमति दिएको छ ।
