लक्ष्मी बैंकको खुद मुनाफा ८० करोड २६ लाख रुपैयाँ, ४१.४० प्रतिशतले बढ्यो मुनाफा

काठमाडौं, ११ वैशाख । चालु आर्थिक वर्षको तेस्रो त्रैमासिकमा लक्ष्मी बैंकले ८० करोड २६ लाख रुपैयाँ खुद मुनाफा आर्जन गरेको छ । जुन गत आर्थिक वर्षको सोहि अवधिको तुलनामा ४१.०४ प्रतिशतले बढि हो । गत आर्थिक वर्षको समिक्षा अवधिमा बैंकले ५६ करोड ९१ लाख रुपैयाँ खुद मुनाफा आर्जन गरेको थियो ।

समिक्षा अवधिमा बैंकले निक्षेप संकलन र कर्जा प्रवाहलाई समेत विस्तार गरेको छ । चालु आर्थिक वर्षको तेस्रो त्रैमासिकमा बैंकले ६३ अर्ब २६ करोड रुपैयाँ निक्षेप संकलन गरि ५८ अर्ब ६९ करोड रुपैयाँ कर्जा प्रवाह गरेको छ । यस्तै बैंकले समिक्षा अवधिमा १ अर्ब ५४ करोड रुपैयाँ खुद व्याज आम्दामी गरि १ अर्ब १० करोड रुपैयाँ संचालन मुनाफा आर्जन गरेको छ । बैंकको हाल कुल निष्क्रिय कर्जा अनुपात १.१६ प्रतिशत रहेको छ ।

चालु आर्थिक वर्षको तेस्रो त्रैमासिक वित्तीय प्रतिवेदन अनुसार बैंकको प्रति शेयर आम्दामी १३.०२ रुपैयाँ, प्रति शेयर नेटवर्थ १२६.३८ रुपैयाँ र मुल्य आम्दामी अनुपात १७.९८ गुणा रहेको छ ।