२५ प्रतिशत हकप्रद शेयरका लागि सिनर्जी फाइनान्सको बुक क्लोज जेठ ३० गते
काठमाडौं, २२ जेठ । हकप्रद शेयर प्रयोजनको लागि सिनर्जी फाइनान्सले जेठ ३० गते शेयर दर्ता किताब बन्द गर्ने भएको छ । फाइनान्सले १ बराबर ०.२५ अर्थात २५ प्रतिशत हकप्रद शेयर निष्कासन गर्ने जनाएको छ ।
फाइनान्सले ११ करोड ८६ लाख २ हजार २४७ रुपैयाँ बराबरको ११ लाख ८६ हजार २२.४७ कित्ता हकप्रद शेयर निष्कासन गर्ने भएको छ । यस हकप्रद शेयरको अंकित मुल्य एक सय रुपैयाँ रहेको छ । फाइनान्सले हकप्रद शेयरको बिक्री प्रबन्धकमा प्रभु क्यापिटललाई नियुक्त गरेको छ । हकप्रद शेयर सुरक्षित गर्न लगानीकर्ताहरुले जेठ २९ गतेसम्ममा फाइनान्सको शेयर खरिद गर्न आवश्यक रहेको छ ।
हकप्रद पछि फाइनान्सको चुक्ता पुँजी ५९ करोड ३१ लाख रुपैयाँ पुग्नेछ । फाइनान्सको हाल चुक्ता पुँजी ४७ करोड ४४ लाख रुपैयाँ रहेको छ ।
