मलाई थाहा नै नदिई सांसदहरूको सुविधा कटौती गरियो: अर्थमन्त्री
काठमाडौं, २५ कार्तिक । अर्थमन्त्री रामेश्वर खनालले संघीय सांसदको सुविधा कटौतीबारे आफूलाई जानकारी नभएको बताए । उनले कानुनमा उल्लेख नभएका सुविधा मात्र कटौती गरेको र स्वकीय सचिवको सुविधाबारे अनभिज्ञता जनाए ।
मन्त्रीले यो प्रस्ताव आफ्नो नभएको र कानुनमन्त्रीसँग छलफल गर्ने आश्वासन दिए । काठमाडौं । अर्थमन्त्री रामेश्वर खनालले सङ्घीय सांसदको सुविधा कटौतीको बारेमा आफूलाई थाहा नै नभएको बताएका छन् । राष्ट्रिय सभा अन्तर्गतको सङ्घीयता सबलीकरण तथा राष्ट्रिय सरोकार समितिको बैठकमा उनले यस्तो अनभिज्ञता जनाएका हुन् ।
उनले आफूले कानुनमा उल्लेख नभएका सुविधा मात्रै कटौती गरिएको बताएका थिए । तर, सांसदको स्वकीय सचिव सुविधा कानुन बमोजिम नै भएको बताएपछि यो विषयमा आफूलाई जानकारी नै नभएको बताएका हुन् ।
‘यो प्रस्ताव मैले ल्याएको होइन, कानुन मन्त्रालयको हो,’ अर्थमन्त्रीले भने, ‘मलाई अनुसूची संशोधन गरेको थाहा थियो, तर त्यसमा के संशोधन गरियो भन्ने थाहा थिएन ।’
उनले सुविधा कटौतीको विषयमा कानुनमन्त्रीसँग छलफल गर्ने आश्वासन समेत दिए ।
सरकारले सङ्घीय सांसदका पदाधिकारी तथा सदस्यको सुविधासम्बन्धी ऐन संशोधन गर्दै सांसदहरूले पाउँदै आएको स्वकीय सचिवको सुविधा खोसेको थियो।
