४५ जिल्लामा सहुलियत पसल खुल्दै, खसीच्याङ्ग्रा अझै अन्योलमा
काठमाडाैं, २९ भदाै । भदौ ३० गतेदेखि देशभर ४५ जिल्लाका १११ स्थानमा सहुलियत पसल सञ्चालनमा आउने भएका छन्। खाद्य व्यवस्था तथा व्यापार कम्पनीले ग्राहकलाई आवश्यक खाद्य सामग्रीमा छुट दिने उद्देश्यले यी पसलहरू सञ्चालन गर्न लागेको हो।
जेनजी आन्दोलनका कारण सुरुमा सहुलियत पसल सञ्चालन अनिश्चितजस्तै देखिएको थियो। आन्दोलनपछि स्थिति तनावपूर्ण बनेको थियो, जसलाई नियन्त्रणमा लिन नेपाली सेनाले निषेधाज्ञा र कफ्र्यूसमेत जारी गरेको थियो। तर अहिले अवस्था केही सहज बनेपछि सहुलियत पसल सञ्चालनको निर्णय लिइएको हो।
यी पसलहरूमा सर्वसाधारणले दैनिक उपभोग्य खाद्य वस्तुहरूमा छुट पाउनेछन्।
१. चामल, चिनी, गेडागुडीमा प्रतिकिलो ५ रुपैयाँ छुट
२. तेल, चिउरा, आटा, मैदामा ७ रुपैयाँ छुट
३. चिउरा, जिरा, धनियामा १० रुपैयाँ छुट दिइनेछ।
तर, खसीबोका र च्याङ्ग्राको बिक्री भने अझै अन्योलमा परेको छ। यद्यपि अग्रिम अनलाइन बुकिङ भए पनि, सामाजिक सञ्जाल बन्द र आन्दोलनका कारण वितरण प्रभावित भएको कम्पनीले जनाएको छ।
कम्पनीका अनुसार, स्थानीय तहसँग आवश्यक समन्वय गरी परिस्थितिलाई बुझेर आगामी १–२ दिनभित्र खसीबोका र च्याङ्ग्राबारे अन्तिम निर्णय गरिनेछ।
सहुलियत पसलबाट उपभोक्ताहरूले चाडपर्वका बेला थोरै भए पनि राहतको अनुभव गर्ने अपेक्षा गरिएको छ।
