जेनजी आन्दोलनपछि यातायात विभागको चेतावनी

काठमाडाैं, ३१ भदाै । यातायात व्यवस्था विभागले भदौ २३ र २४ मा काठमाडौँ र अन्य स्थानहरूमा भएको जेनजी आन्दोलनका क्रममा लुटिएका हातहतियार र अन्य सामानहरूको सार्वजनिक तथा निजी सवारी साधनमार्फत ओसारपसार नगर्न अनुरोध गरेको छ।

विभागले एक सार्वजनिक सूचना जारी गर्दै भनेको छ कि आन्दोलनका दिन विभिन्न सरकारी र निजी सवारी साधनबाट सामान लुटिएको थियो र ती सामान सार्वजनिक यातायात वा मालबाहक सवारी साधनमार्फत ओसारपसार हुने जोखिममा छन्।

सूचनामा सबै यात्रु, सवारी चालक, सवारी परिचालक र सवारी धनीहरूलाई सचेत रहन र यस्तो ओसारपसारमा संलग्न नहुने आग्रह गरिएको छ। विभागले यस प्रकारका सामग्रीहरूको अवैध ओसारपसार रोक्न कडा निगरानी गर्ने समेत जनाएको छ।