असोज महिनाका लागि वाणिज्य बैंकहरुकाे नयाँ ब्याजदर सार्वजनिक – २ बैंकले बढाउँदा ९ वटाले घटाए

काठमाडौं, ३१ भदौ । असोज महिनाका लागि वाणिज्य बैंकहरुले नयाँ ब्याजदर सार्वजनिक गरेका छन् । भदौको तुलनामा वाणिज्य बैंकहरुको औषत ब्याजदर घटेको छ ।

बैंकहरुले सार्वजनिक गरेको नयाँ ब्याजदर अनुसार व्यक्तिगत मुद्दती निक्षेपको अधिकतम ब्याजदर औषतमा ५।५८ प्रतिशत विन्दुमा झरेको छ । जबकी यस्तो ब्याजदर साउन महिनामा ५।४६ प्रतिशत विन्दु रहेको थियो ।

सञ्चालनमा रहेका २० वाणिज्य बैंकमध्ये दुई बैंकले ब्याजदर बढाएका छन् । ब्याजदर बढाउनेमा लक्ष्मी सनराइज बैंक र स्ट्याण्डर्ड चार्टर्ड बैंक रहेका छन् । अन्य ९ बैंकले ब्याजदर घटाएका छन् भने ९ वटाले यथावत राखेका छन् ।

असोज महिनामा व्यक्तिगत मुद्दती निक्षेपमा सबैभन्दा कम ब्याज कुमारी बैंकले दिँदा अन्य पाँच बैंकले ६ प्रतिशत ब्याज दिने भएका छन् । व्यक्तिगत मुद्दती निक्षेपमा सबैभन्दा बढी ब्याज दिनेमा ग्लोबल आइएमई, एनआईसी एशिया, माछापुच्छ्रे, एनएमबि र हिमालयन बैंकले रहेका छन् ।