उच्च पहाडी क्षेत्रमा स्वास्थ्य सतर्कता अपनाउन लुम्थाङले पर्यटकलाई आग्रह
काठमाडाैं, २७ असाेज । उपत्यका बाहिर उच्च पहाडी क्षेत्र अपर मस्टाङ घुम्न जाने पर्यटकहरूलाई स्वास्थ्य सतर्कता अपनाउन लुम्थाङ गाउँपालिकाले आग्रह गरेको छ।
गाउँपालिका अध्यक्ष तसिनार्बु गुरुङले जारी गरेको सार्वजनिक सूचनामा उल्लेख छ कि उच्च पहाडी क्षेत्रको अत्यधिक चिसो र उच्च उचाइका कारण पर्यटकहरू बिरामी परिरहेका छन्।
सूचनामा भनिएको छ कि यस सिजनमा नेपाल–चीन कोरला सीमा क्षेत्र र अपर मस्टाङका पर्यटकहरू उच्च उचाइको कारण समस्या भोगिरहेका छन्। सीमित स्रोतका बावजुद गाउँपालिकाले स्वास्थ्य सेवा प्रदान गरिरहेको छ।
उच्च पहाडी रोग (हाई अल्टिच्युड सिकनेस) बाट पीडित बिरामीहरूलाई जम्सोमको प्रदेश अस्पतालसम्म निःशुल्क एम्बुलेन्स सेवा मार्फत लैजाने व्यवस्था गरिएको छ।
अध्यक्ष गुरुङले भने, “दशैंपछिको समयमा अपर मस्टाङ जाने पर्यटकको संख्या बढिरहेको छ। त्यसैले उच्च उचाइमा स्वास्थ्य जटिलता हुने भएकाले आवश्यक स्वास्थ्य सुरक्षा उपाय अपनाउन अनुरोध गरिएको छ।”
गाउँपालिकाले पर्यटकहरूलाई स्वास्थ्य सतर्कता, पर्याप्त पानी र पोषण, र आवश्यक स्वास्थ्य उपकरणहरू साथ लैजान सुझाव दिएको छ।
