बैदेशिक रोजगारीमा ज्यान गुमाएका परिवारलाई सिधै बैक खातामा नै सहायता रकम भुक्तानी
काठमाडौं, १६ असोज । बैदेशिक रोजगारीमा गएका मृतक कामदारका परिवारले अब सिधै आफनै बैक खातामा सहायता रकम पाउँने भएका छन् । मृतक परिवारलाई सरकारले भुक्तानी गर्दै आईरहेको सहायता रकम लिन कामदारका परिवार अब काठमाडौ धाई रहनु नपर्ने भएको छ ।
बैदेशिक रोजगारीमा गएका कामदारले करार अवधि वा करार अवधि पछिको एक बर्ष भित्रमा कुनै कारणले ज्यान गुमाएका कामदारलाई परिवारलाई बैदेशिक राजगार प्रबद्धन बोर्डले ७ लाख रुपैया भुक्तानी गर्दै आई रहेको छ । तर, यस्ता रकममा पनि दलालहरु सक्रिय भएपछि सरकारले स्थानिय तहबाट नै रकम वितरण गर्ने व्यवस्था गरेको हो ।
पिडित परिवारले स्थानिय नगरपालिका वा गाउँपालिकामा पुगेर निवेदन दिन सक्नेछन् । सोही निवेदनका आधारमा बोर्डले सम्बन्धित परिवारको बैक खातामा नै रकम राखिदिने भएको छ ।
निवेदनका साथमा पिडित कामदारका परिवारले कामदारले गएको मुलुकको प्रमाणित हुने गरी राहदानी नम्बर, नाम र फोटो भएको पेजको फोटोकपी, रोजगारदाता कम्पनी, नियोग र अस्पतालको मृत्यूको प्रमाण र शब ल्याउँदाको प्रज्ञापनपत्रको फोटोकपी, नेपालमा मृत्यू भएको अवस्थामा विदेशबाट फर्केको आगमनको छाप लागेको पेजको फोटोकपी, मृत्यूदर्ता, हकवालासँगको नाता प्रमाणित, नागरिकता, फोटो र बैकको खाता पनि संलग्न गर्नुपर्नेछ ।
