नेपालगंजमा कामना सेवा विकास बैंकको शाखा संचालनमा
काठमाडौं, ६ असार । कामना सेवा विकास बैंक लिमिटेडले नेपालगंजमा शाखा कार्यालयबाट सेवा संचालन गरेको छ । उक्त कार्यालयको बैंकका निर्देशक विमलराज खनालले सेवाको सुभारम्भ गरेका थिए ।
यससँगै बैंकको कुल शाखा कार्यालय संख्या ५५ पुगेको छ । हाल बैंकको निक्षेप संकलन १४ अर्व १५ करोड र कर्जा लगानी १३ अर्व ४० करोड रुपैयाँ रहेको छ ।
त्यस्तै बैंकले नेपाल राष्ट्र बैंकको निर्देशन अनुसार पूँजी बृद्धिका लागि आसन्न साधारणबाट १२ प्रतिशत बोनस सेयर र ५० प्रतिशत नगद लाभांश दिने जानकारी दिएको छ । त्यसपश्चात बैंकको चूक्ता पूँजी २ अर्व ५० करोड रुपैयाँ भन्दा बढी पुग्ने छ ।
