Date

बिहि, चैत्र १५, २०८०
Thu, March 28, 2024

अनावश्यक कमेन्ट गर्ने मेरो ब्लकको सूचीमाः रेखा शाह

अनावश्यक कमेन्ट गर्ने मेरो ब्लकको सूचीमाः रेखा शाह

पछिल्लो समय आधुनिक गीत ‘तिमी बिना’ लिएर आएकी गायिका रेखा शाह अहिले सोही गीतको प्रचारमा ब्यस्त छिन् । ‘सिमसिमे पानीमा’ बोलको गीत गाएर चर्चामा आएकी रेखा छानेर मात्रै गीत गाउने धारणा राख्छिन् । फुर्सदको समय पुस्तक पढेर र गीत सुनेर मनोरञ्जन लिने यी गायिकासँग अनलाइनखबरले गरेको टी-टकः

बिहान कति बजे उठ्नुहुन्छ ?
बिहान ६ देखी ७ बजेसम्म उठिसक्छु । उठेपछि एक गिलास मन तातो पानी पिउँछु । त्यसपछि हर्लिक्स, भीभा वा वुष्ट खान्छु ।

ब्रेकफाष्टमा के हुन्छ ?
ब्रेकफाष्टमा सिजन अनुसारको फलफूल र हरेक दिन एउटा ओखर खान्छु । तर, फलफूल एकदमै थोरै खान्छु ।

भान्साको काम कत्तिको गर्नुहुन्छ ?
मलाइ भान्साको काम गर्न अल्छि लाग्दैन । त्यसो भन्दैमा महिलाले नै खाना बनाउनु पर्छ भन्ने छैन । हाम्रो घरमा भान्साको काम महिला पुरुष दुबैले गर्छौं ।

रुचीको विषय के हो ?
फुर्सद भयो भने गीत सुन्छु । अनि किताब पढ्दा मलाई निकै आनन्द आउछ । अचेल इन्टरनेटमा पनि अध्ययन गर्छु ।

किताब पढ्दा र इन्टरनेट हेर्दा कुन बढी मज्जा आउछ ?
दुबैमा उस्तै हो । किनकी किताब पनि आफ्नो रुची अनुसार पढ्ने हो र इन्टरनेटमा पनि आफुलाई रुची लाग्ने विषय नै खोज्छु ।

तपाईको आजको सेड्युल ?
दिउसो १० देखि ११ बजे एउटा अन्तरवार्ता छ । त्यसपछि २ बजेसम्म मेरो बिजनेश मिटिङ छ । पर्सी एउटा कार्यक्रममा र्‍याम्पमा हिड्दैछु । २ बजेपछि सोही कार्यक्रमको वारेमा मिटिङ छ । जेण्डर एण्ड पोलिटिक्सको एक्जाम आउँदैछ । ४ः३० देखि ६ बजेसम्म त्यहि विषयको ट्युसन पढछु । बेलुका मिल्ने साथीहरुसँग हायात होटलमा डिनर छ ।

फेसबुक कत्तिको चलाउनु हुन्छ ?
अपडेट त हुन्छु । तर, कमेन्ट म प्राय गर्दिन ।

कतिलाई ब्लक गर्नु भयो ?
धेरै भयो । अनावश्यक कमेन्ट गर्ने र अनावश्यक कुरा गर्नेहरुलाई ब्लक गरिदिन्छु ।

आफैं मेकअप गर्नुहुन्छ कि हुन्न ?
पहिला त मलाई मेकअप गर्नै आउदैन थियो । अहिले आफैं गर्न थालेकी छु । अबको ३ महिनामा म पर्फेक्ट मेकअप गर्ने भएर निस्कन्छु ।

के गर्दा तपाईलाई आनन्द आउँछ ?
म सहयोगी खालको मान्छे हुँ । कसैलाई सहयोग गर्न पाउदा रमाईलो लाग्छ ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x