मधेशमा नयाँ सरकार बन्ने बाटो खुल्यो, जितेन्द्र सोनल नेतृत्वमा दाबी पेश
काठमाडाैं, २९ असाेज । पाँच राजनीतिक पार्टीका नेताहरूले लोकान्त्रिक समाजवादी पार्टी (एलएसपी)का नेता जितेन्द्र सोनलको नेतृत्वमा मधेश प्रदेशमा नयाँ सरकार गठन गर्ने दाबी प्रदेश प्रमुखको कार्यालयमा पेश गरेका छन्।
पेश गरिएको दाबिमा ५६ जना प्रदेशसभा सदस्यको हस्ताक्षर छन्, जसले स्पष्ट बहुमत झल्काउँछ। यो कदम जनमत पार्टीका मुख्यमंत्री सतीश कुमार सिंहको मंगलबारको राजीनामापछि उठाइएको हो।
मुख्यमन्त्रीको राजीनामापछि, प्रदेश प्रमुख सुमित्रा भण्डारी सुबेदीले राजनीतिक दलहरूलाई आज १५ अक्टोबर दिउँसो ४ बजेसम्म नयाँ सरकार गठनको दाबी पेश गर्न आग्रह गरेकी थिइन्।
मंगलबार राति र बुधबार विहान एलएसपी, जनता समाजवादी पार्टी नेपाल, जनमत पार्टी, नेकपा (माओवादी केन्द्र) र नेकपा (एकीकृत समाजवादी) का नेताहरूबीच छलफल भई सोनलको नेतृत्वमा सरकार गठन गर्ने सहमति भएको छ।
हाल नेतृत्वको विषय मिलिसकेको भए पनि गठबन्धनमा रहेका दलबीच मन्त्रीपरिषद् पोर्टफोलियो बाँडफाँट अझै टुंगो लागेको छैन।
