दुई कम्पनीको बोनस शेयर सुचिकृत
काठमाडौं, १८ मंसिर । सोमबार दुई कम्पनीहरुको बोनस शेयर नेपाल स्टक एक्सचेन्जमा सुचिकृत भएका छन् । राष्ट्रिय वीमा कम्पनी र फ्रष्ट माइक्रोफाइनान्सको बोनस शेयर नेप्सेमा सुचिकृत भएका हुन् ।
राष्ट्रिय वीमा कम्पनीको १४ लाख २१ हजार ९९५.५९ कित्ता बोनस शेयर नेप्सेमा सुचिकृत भएका छन् । कम्पनीको २९औं वार्षिक साधारण सभाले पारित गरेको ११४.२७ प्रतिशत बोनस शेयर सुचिकृत भएको हो ।
यस्तै फ्रष्ट माइक्रोफाइनान्सको आठौं वार्षिक साधारण सभामा पारित भएको १५ प्रतिशत अर्थात ५ लाख ९५ हजार १२५ कित्ता बोनस शेयर नेप्सेमा सुचिकृत भएका छन् ।
