महासंघ अध्यक्ष गोल्छाले पदबहाली गरे
काठमाडौं, १५ मंसिर । नेपाल उद्योग वाणिज्य महासंघका अध्यक्ष शेखर गोल्छाले अध्यक्षको पदबहाली गरेका छन् । महासंघमा आज आयोजित एक विशेष कार्यक्रमकाबीच उनले पदबहाली गरेका हुन ।
त्यसअघि महासंघका निमित्त महानिर्देशक मीना श्रेष्ठ सहितको सचिवालयका सम्पूर्ण कर्मचारीहरूले अध्यक्ष गोल्छालाई स्वागत गरेका थिए ।
पदबहाली पश्चात अध्यक्ष गोल्छाले आफ्नो कार्यकाललाई सफल पार्न सचिवालयका कर्मचारीहरूको महत्वपूर्ण भूमिका रहेकाले सचिवालयबाट सोही अनुसारको अपेक्षा गरेको बताए। सचिवालयलाई प्रोफेशनलरूपमा संचालन गरी सचिवालयले दिने सेवालाई चुस्त, दुरुस्त र प्रभावकारी बनाउने आफ्नो कार्ययोजना रहेको पनि उनले बताए ।
