नेपाल मर्चेन्ट बैंकर्स संघको नयाँ कार्य समिति र धितोपत्र बोर्डका अध्यक्षबीच औपचारिक भेटवार्ता

काठमाडौं, ३ पुस । नेपाल मर्चेन्ट बैंकर्स संघका नवनिर्वाचित अध्यक्ष मेखबहादुर थापाको नेतृत्वमा सम्पूर्ण कार्य समितिका सदस्यहरु र नेपाल धितोपत्र बोर्डका अध्यक्ष भीष्मराज ढुंगानाबीच शुक्रवार औपचारिक भेटवार्ता भएको छ । उक्त अवसरमा शुभकामना प्रदान गरिनुका साथै पूँजी बजारको थप विकाश र विस्तारका सम्बन्धमा विस्तृत छलफल भएको संघले बताएको छ । साथै संघको तर्फबाट थापाले नेपाल धितोपत्र बोर्डको नीति निर्देशन कार्यान्यन तथा बजार बिकाशका लागि पूर्ण प्रतिबद्धता व्यक्त गरेका छन् । भेटवार्तामा बोर्डका कार्यकारी निर्देशक निरज गिरी तथा संघका निवर्तमान अध्यक्ष ध्रुव तिमिल्सिना समेत उपस्थित थिए ।