सुनको मूल्य एकैदिन १५०० रुपैयाँ बढ्यो

काठमाडौं, २७ माघ । स्थानीय बजारमा मंगलबार (आज) एकैदिन सुनको मूल्य १ हजार ५०० रुपैयाँ वृद्धि भएको छ । हिजो प्रतितोला ९० हजार ४०० रुपैयाँमा कारोबार भएको सुन आज प्रतितोाल ९१ हजार ९०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

महासंघका अनुसार तेजाबी सुन प्रतितोला ९१ हजार ४०० रुपैयाँमा कारोबार भइरहेको छ ।
त्यस्तै आज चाँदीको मूल्य पनि वृद्धि भएको छ । आज चाँदीको मूल्यमा प्रतितोला २५ रुपैयाँ वृद्धि भएको हो । चाँदी प्रतितोला १ हजार ३४० रुपैयाँमा कारोबार भइरहेको छ । हिजो चाँदी प्रतितोला १ हजार ३१५ रुपैयाँमा कारोबार भएको थियो ।