वेद एपको “हात हातमा शिक्षा” को बिजेतालाई ल्यापटपका साथै अन्य आकर्षक पुरस्कार
काठमाडौं, २१ असार । वेद एपले खल्ती डिजिटल वालेटसँगको सहकार्यमा “हात हातमा शिक्षा” अभियान संचालनमा ल्याएको छ। शिक्षक तथा विद्यार्थीहरुलाई अनलाईन शिक्षा सम्बन्धि आफ्नो अनुभव बाँढ्ने अवसर प्रदान गर्न उक्त अभियान संचालनमा ल्याईएको जानकारी दिइएको छ।
अभियानको बिजेताले ५० हजार रुपैयाँ मूल्य बराबरको नयाँ ल्यापटप साथै अन्य आकर्षक नगद पुरस्कार जित्ने बताइएको छ। कार्यक्रममा शिक्षक तथा विद्यार्थीहरुले डिजिटल शिक्षा सम्बन्धि ३० सेकेन्ड वा सो भन्दा लामो भिडियोमा आफ्नो अनुभव बाँडि सहभागी हुन पाउनेछन् ।
यस क्यामपेनको एक उपाधि वेदगुरु र फ्युचर लिडर अन्तर्गत एक शिक्षक र एक विद्यार्थी बिजेता हुनेछन्।
