मंगलबार नेप्से परिसूचक २६ अंकले वृद्धि, ११ अर्बभन्दा बढीको शेयर कारोबार
काठमाडौं, १९ साउन । मंगलबार नेप्से परिसूचक २६.०२ अंक वृद्धि भएर ३१११.०९ विन्दुमा रोकिएको छ । सोमबार ८ अंकले वृद्धि भएको नेप्से परिसूचक आज ०.८४ प्रतिशतले वृद्धि भएको हो ।
२२३ कम्पनीको २ करोड ११ लाख २९ हजार कित्ता शेयर ११ अर्ब ५२ करोड ९२ लाख रुपैयाँमा खदिर विक्री भएको छ । आज पञ्चेश्वर पावर कम्पनी लिमिटेड र रुरु जलविद्युत परियोजना लिमिटेडको शेयर मूल्य १० प्रतिशतले वृद्धि भएको छ । रु रुको शेयर मूल्य १ हजार ७८ रुपैयाँ पुगेको छ । त्यस्तै पञ्चेश्वरको शेयर मूल्य ४९५ रुपैयाँ कायम भएको छ ।
यूनिलिभर नेपालको शेयर मूल्य ३.७९ प्रतिशतले घटेको छ भने नविल व्यालेण्डसिट फण्ड २ र नविल प्रगतिफण्डको इकाई भने २ प्रतिशतले घटेको छ । अपि पावर कम्पनी लिमिटेडको सर्वाधिक मूल्यको शेयर खरिद विक्री भएको छ । यो कम्पनीको ४६ करोड ८२ लाख रुपैयाँभन्दा बढीको शेयर खरिद विक्री भएको छ ।
