एक दिन पनि टिकेन शेयर बजारको उत्साह लाग्यो ३१.२१ अंकले ओरालो

काठमाडौं, ८ असार । हिजो हरियाली देखिएको शेयर बजार आज राताम्मे भएको छ । यस साताको चौंथो कारोबार दिन बुधबार शेयरबजार ओरालो लागेको छ ।

यस दिन स्टक एक्सचेन्जमा आबद्व कम्पनीको शेयर कारोबार मापक नेप्से परिसूचक ३१.२१ अंकले घटेर १८९३.५३ अंकमा पुगेको छ ।

मंगलबार २२९ कम्पनीको ३० लाख ३४ हजार रुपैयाँको शेयर किनबेच हुँदा ८४ करोड ३७ लाख ७३ हजार रुपैयाँ भन्दा बढीको कारोबार भएको छ ।

ठुला कम्पनिको उपसूचक ५.९४ अंकले घटेर ३६९.१५ अंकमा पुगेको छ । यो अघिल्लो दिनको तुलनामा ९.९४ प्रतिशतले बढी हो ।

यस्तै १३ समुहका कम्पनीको उपसूचक मध्ये यस दिन सबै समुहका कम्पनीको कारोबार घटेको छ । सबै भन्दा धेरै र्निजिवन बीमा समुहका कम्पनीको कारोबार १५५.२२ अंकले घटेको छ । यो अघिल्लो दिनको तुलनामा १.९९ प्रतिशतले कारोबार घटेको हो ।