आगामी कात्तिक १७ देखि २० गते सम्म सीएनआई रोजगार तथा सीप मेला, २०२२
कठमाडौं,२५ साउन । नेपाल उद्योग परिसंघको शिक्षा परिषद् र रोजगारदाता परिषद्को संयोजनमा ‘सिएनआईले रोजगार तथा सीप मेला २०७९’ आयोजना गर्ने भएको छ ।
आगामी कात्तिक १७ देखि २० गते सम्म काठमाडौं स्थित भृकुटीमण्डपमा हुने सिएनआई रोजगार तथा सीप मेला २०७९ ले रोजगारदाताको आवश्यकता, सीपयुक्त कर्मचारीको मागको परिपूर्ती कसरी गर्न सकिन्छ भन्ने विषयमा वृहद छलफल हुने बताइएको छ ।
सिएनआई रोजगार तथा सीप मेला २०७९ ले विभिन्न कम्पनी तथा कामको खोजिमा रहेकाहरुलाई एकै ठाउँमा आवद्ध गर्न पुलको काम गर्ने विश्वास गरिएको छ । सो मेलामा राष्ट्रिय तथा अन्तर्राष्ट्रिय कम्पनीहरुको सहभागिता र सीपको विषयमा राष्ट्रिय तथा अन्तर्राष्ट्रिय विज्ञहरुबाट प्रस्तुती बताइएको छ ।
तीन दिने मेलामा २०० भन्दा बढी कम्पनीहरु सहभागि हुने अपेक्षा छ । कर्पोरेट हाउस, नवप्रवर्तन, शैक्षिक संस्थाका विद्यार्थीहरु, सेवा तथा उत्पादनमुलक उद्योगहरु, निजी, सार्वजनिक तथा सरकारी अधिकारीहरुसमेत गरी ५० हजार भन्दा बढी व्यक्तिहरुले मेलाको अवलोकन गर्ने अपेक्षा गरिएको बताइएको छ ।
