नेपाल प्रहरीलाई महालक्ष्मी विकास बैंकको सहयोग
काठमाडौं, २३ फागुन । महालक्ष्मी विकास बैंक लिमिटेडले संस्थागत सामाजिक उत्तरदायित्वअन्तर्गत प्रहरी वृत्त मालीगाउँ र जिल्ला प्रहरी कार्यालय टेकुलाई सहयोग गरेको छ ।
बैंकले प्रहरी वृत्त मालीगाउँलाई चेकिङ बोर्ड, सामाजिक जनचेतनामुलक पुस्तिका, आवश्यक सम्पर्क नम्बरसहितको स्टिकर र मास्क हस्तान्तरण गरेको हो ।
मालीगाँउ वडा क्षेत्र वरपरको सुरक्षा व्यवस्थालाई थप मजबुत बनाउन र रात्रिकालिन समयमा प्रहरी चेकिङ गर्न सहयोग पुर्याउने उद्देश्यले सहयोग गरेको बैैंकले जनाएको छ ।
त्यसैगरी बैंकको शंखमुल शाखाद्वारा जिल्ला प्रहरी कार्यालय, टेकुलाई फ्लोरेसन ज्याकेट हस्तान्तरण गरेको छ । रात्रिकालिन समयमा सडकमा खटिएका प्रहरीहरुको जोखिम व्यवस्थापनमा सहयोग पुर्याउनका लागि उक्त सहयोग प्रदान गरेको बैंकले जनाएको छ । जिल्ला प्रहरी कार्यालय टेकुका प्रहरी उपरिक्षक सीताराम रिजाललाई शंखमुल शाखाका प्रमुख पुण्य श्रेष्ठले उक्त सामाग्री हस्तान्तरण गरेका हुन् ।
