जेठमा मनकामना केबुलकार मार्फत यात्रा गर्ने यात्रुहरूकाे नयाँ कीर्तिमान, कतिले गरे भ्रमण ?
काठमाडाैं, १ असार । चालु आर्थिक वर्षकाे जेठ महिनामा झण्डै १ लाख ५० हजार यात्रुहरूले मनकामना केबुलकार मार्फत मनकामना यात्रा गरेका छन्। यस वर्षकाे जेठमहिनामा २५ वर्षकै सबैभन्दा बढी यात्रुकाे कीर्तिमान कायम भएकाे छ । आर्थिक वर्ष २०७५-७६ काे जेठ महिनामा १ लाख ३५ हजार २३९ यात्रुहरूले केबुलकार मार्फत मनकामना यात्रा गरेका थिए, उक्त रेकर्ड यस वर्ष ताेडिएकाे हाे ।
चालु आर्थिक वर्षकाे ११ महिनामा करीव १०,२१,२३९ यात्रीहरुलाई केबुल कार सेवा प्रदान गरेकाे कम्पनीले जनाएकाे छ । यस्तै भारतीय यात्रीहरुको उल्लेख्य वृद्धि देखिएकाे छ । चालु आर्थिक वर्षकाे ११ महिनामा कुल २,६९,७६०( २६.४१%) भारतीय हरुले मनकामना भ्रमण गरेकाे जनाइएकाे छ ।
केबुलकार मार्फत मनकामना यात्रा गर्नेमा सबैभन्दा बढी ७ लाख ५ हजार ५९३ नेपाली यात्री रहेका छन।
यस वर्ष भने औसत प्रति दिन यात्री ४७०० पुगेको कम्पनीले जनाएकाे छ।
