मन्त्रिपरिषद् बैठक द्वारा ६ देशका लागि राजदूत सिफारिस
काठमाडौं, २९ असार । ६ देशको लागि राजदूत सिफारिस भएका छन् । बिहीबारको मन्त्रिपरिषद् बैठकले अमेरिका, युनाइटेड अरब इमिरेट्स, कुवेत, थाइल्यान्ड, फ्रान्स र जेनेभाका लागि राजदूत सिफारिस गरेको हो ।
यी ६ देशका लागि क्रमशः लोकबहादुर थापा, तेजबहादुर क्षेत्री, घनश्याम लल्साल, धनबहादुर ओली, सुधिर भट्टराई र रामप्रसाद सुवेदीको नाम राजदूतमा सिफारिस गरिएको हाे । राजदूतको लागि सिफारिसमा परेका सबै परराष्ट्र मन्त्रालयका सहसचिव रहेकाे बताइएकाे छ ।
क्यानडास्थित नेपाली दूतावासको लागि भने अझै नाम सिफारिस गरिएको छैन ।
