विद्युत ब्यापारको लाइसेन्स कुर्दै निजी क्षेत्र, १२ सय मेगावाट बिक्रीको सम्झौता गरेको दाबी
काठमाडौं, ८ भदौ । अहिले नेपालको कुल विद्युत उत्पादन २९ सय मेगावाट हो भने खपत पिक आवरमा १७ सय मेगावाट मात्र हो । भारतले अहिलेसम्म ४५२ मेगावाट मात्र विद्युत खरिद गर्दै आएको छ । नेपाल विद्युत प्राधिकरणले विभिन्ना आयोजनाको ६ सय मेगावाट विद्युत खरिदका लागि आवेदन दिएकोमा अहिलेसम्म खरिद अनुमति दिएको छैन जसको कारण करिब ७ सय मेगावाट विद्युत दैनिक खेरा गइरहेको छ ।
यो अवस्थामा निजी क्षेत्रले विद्युत आयात–निर्यात गर्न पाउने लाइसेन्स हात पार्न सरकारमाथि दबाब बढाएको छ । नेपाल विद्युत प्राधिकरणको एकाधिकार रहेको विद्युत व्यापारमा आउन तीब्र इच्छुक निजी क्षेत्रले जतिसक्दो छिटो कानुन संशोधन गरेर लाइसेन्स दिन माग गरिरहेको छ । विद्युत खेर जादा पनि सरकार निजि क्षेत्रलाई अनुमति दिन आनाकानी गरिरहेको छ ।
विद्युत व्यापारको लाइसेन्स पाए विदेशमा आफैं बजार खोज्ने इप्पानका वरिष्ठ उपाध्यक्ष मोहन डाँगी बताउँछन् । १२ सय मेगावाट विद्युत भारतमा बिक्री गर्ने समझदारी भइसकेको पनि उहाँले जानकारि दिनुभयो । सरकारले अनुमति दिए थप विद्युत बिक्री गर्ने निजि क्षेत्रको अपेक्षा छ ।
