भूकम्प प्रभावितको उद्धार, राहत र पुन:स्थापनाका विषयमा छलफल गर्न सिंहदरबारमा आकस्मिक बैठक सुरू
काठमाडौं, १९ कात्तिक ।सिंहदरबारमा मन्त्रिपरिषद्को आकस्मिक बैठक सुरु भएको छ । शुक्रबार राति गएको भूकम्पपबाट प्रभावितहरूको उद्धार, राहत र पुन:स्थापनाका विषयमा छलफल गर्न बैठक बोलाइएको मन्त्रिपरिषद् बैठक बसेको हो ।
यसअघि प्रधानमन्त्री पुष्पकमल दाहाल प्रचण्ड प्रभावित क्षेत्र जाजरकोट र रुकुम पुगेर फर्किएका छन् । प्रभावित क्षेत्रबाट फर्किएपछि प्रधानमन्त्रीले आइतबार बिहानै मन्त्रिपरिषद् बैठक बोलाएका छन् ।
शनिबार उपप्रधानमन्त्री तथा गृहमन्त्री नारायणकाजी श्रेष्ठको नेतृत्वमा बसेको बैठकले जाजरकोट र रूकुम पश्चिमको भूकम्प प्रभावित क्षेत्रमा खोज, उद्धार तथा उपचारका लागि जिल्ला विपद् व्यवस्थापन कोषामा ५/५ करोड रूपैयाँ पठाउने निर्णय गरेको थियो ।
