एनसेलविरुद्ध सांसद अमरेशको रिटमा आज सुनुवाइ हुँदै
काठमाडौं, २६ मंसिर । दूरसञ्चार सेवा प्रदायक एनसेलविरुद्ध सांसद डा. अमरेशकुमार सिंहले सर्वोच्च अदालतमा दायर गरेको रिटमा आज (मंगलबार) सुनुवाइ हुँदै छ । लगाार दुई दिन ‘हेर्न नभ्याइने’ सूचीमा परेको रिटमा आज सुनुवाइ हुने भएको हो ।
गएको शुक्रबार सांसद सिंहले दायर गरेको रिट आइतबार न्यायाधीश कुमार रेग्मी र सोमबार विनोद शर्माको इजलासमा परेको थियो । दुवै दिन हेर्न नभ्याइनेमा परेपछि सांसद सिंहको रिटको पेसी आजलाई सरेको हो ।
सांसद सिंहले एनसलेको ८० प्रतिशत सेयर होल्डर मलेसियन कम्पनी आजियाटाले टेलियासोनेरासँग किन्दा ६ वर्षअघि नै एक खर्ब ४३ अर्ब हालेको र ६ अर्ब ६५ करोड रुपैयाँमा बिक्री गर्नुले सबैभन्दा ठूलो भ्रष्टाचारको संकेत गरेको जिकिर गरेका छन् । एनसेलले भने नियमसँगत नै शेयर विक्री गरिएको बताउँदै आएको छ ।
