घटेन बैंकमा पैसा, बैंकिङ प्रणालीबाट ४० अर्ब उठाउँदै राष्ट्र बैंक
काठमाडाैं, १९ भदाै । बुधबार पनि नेपाल राष्ट्र बैंकले बैंकिङ प्रणालीबाट ४० अर्ब उठाउने भएको छ ।
२१ दिने निक्षेप संकलन उपकरणमार्फत सो रकम बैंकिङ प्रणालीबाट उठाउन लागेको हो । यो निक्षेप आज ३ बजेसम्म अनलाइन मार्फत बोलकबोल हुनेछ ।
भदौ १६ गतेको तथ्यांक अनुसार बैंक तथा वित्तीय संस्थाहरुले ६४ खर्ब ६४ अर्ब रुपैयाँ निक्षेप संकलन गरेका छन् । तर, यसै अवधिमा जम्मा ५१ खर्ब ९४ अर्ब रुपैयाँ बराबर मात्र कर्जा लगानी गरेका बैंकहरुसँग ६ खर्बमाथि लगानीयोग्य पुँजी रहेको छ।
केन्द्रीय बैंकका अनुसार भदौ १६ सम्ममा बैंक तथा वित्तीय संस्थाहरुले जम्मा ७८.९४ प्रतिशत मात्र सीडी रेसियो (कर्जारनिक्षेप अनुपात) कायम गरेका छन् । नियम अनुसार बैंकहरु सीडी रेसियो ९० प्रतिशतसम्म जान पाउछन् ।
निक्षेप संकलनको लागि आव्हान गरिएको रकम बाँडफाँट गर्दा बोलबमोजिम सबैभन्दा कम ब्याजदरलाई पहिलो प्राथमिकता क्रममा राखी आव्हान गरेको रकमसम्म क्रमशः बाँडफाँट गरिनेछ केन्द्रीय बैंकले जनाएको छ ।
