नेपाललाई दुई वर्षभित्र चामलमा आत्मनिर्भर बनाइने
काठमाडौं, १५ जेष्ठ। सरकारले दुई वर्षभित्र मुलुकलाई चामलमा आत्मनिर्भर बनाउने नीति लिएको छ।
आर्थिक वर्ष २०८२/८३ को बजेट बिहीबार संघीय संसदको संयुक्त सदनमा प्रस्तुत गर्दै अर्थमन्त्री विष्णु पौडेलले दुई वर्षभित्र चामलमा आत्मनिर्भर हुन तराई र भित्री मधेषका २२ जिल्लामा चैते धान खेती प्रवर्द्धन कार्यक्रम अघि सारिने बताएका हुन् ।
यसबाट थप १२ लाख मेट्रिक टन धान उत्पादन हुने अपेक्षा सरकारको रहेको बजेट प्रस्तुत गर्दै अर्थमन्त्री पौडेलले उल्लेख गरे।
