एनएमबी बैंकको १०% लाभांश प्रस्ताव, सेयरधनी उत्साहित

काठमाडाैं, ७ मंसिर । एनएमबी बैंक लिमिटेडले चालु आर्थिक वर्षका लागि सेयरधनीहरूलाई १० प्रतिशत लाभांश वितरण गर्ने प्रस्ताव गरेको छ। बैंकको मंसिर ५ गते बसेको सञ्चालक समितिको बैठकले गत आर्थिक वर्षको नाफाबाट लाभांश घोषणा गरेको हो।

प्रस्तावित १० प्रतिशत लाभांशमध्ये ५ प्रतिशत बोनस सेयर र ५ प्रतिशत कर प्रयोजनका लागि नगद लाभांश रहने बैंकले जनाएको छ। बोनस सेयरले सेयरधनीको सेयर संख्या बढाउने हुँदा दीर्घकालीन फाइदा हुने अपेक्षा गरिएको छ, भने नगद लाभांश कर भुक्तानीका लागि उपयोग हुनेछ।

बैंकले प्रस्ताव गरेको यो लाभांश अब नेपाल राष्ट्र बैंकबाट स्वीकृति प्राप्त भई आगामी वार्षिक साधारण सभाले पारित गरेपछि मात्र वितरण प्रक्रियामा जानेछ।