उद्योग बन्द गर्ने टेक्सटायल व्यवसायीको चेतावनी, ६० हजारको रोजगारी गुम्ने खतरा
काठमाडौ, २९ । सरकारले टेक्सटायल उद्योगलाई दिदै आएको सेवा सुविधा हटाएपछि व्यवसायीहरुले त्यसको विरोध गरेका छन् । विसं २०५४ साल देखि सरकारले मूल्य अभिबृद्धि कर (भ्याट) मा दिदै आएको सहुलियत चालु आर्थिक वर्षको बजेट मार्फत हटाउने निर्णय गरेपछि व्यवसायी रुष्ट थिए ।
यसअघि व्यवसायीहरुले कटनमा १० प्रतिशत र सेन्थेटिक कपडामा ७० प्रतिशत भ्याट फिर्ता पाउने गदर्थे भने सुतिको कपडामा १३ प्रतिशत भ्याट समायोजन गर्दै आएको थियो । । व्यवसायीहरुका अनुसार हाल नेपालमा २ सय भन्दा बढी टेक्सटायल उद्योग संचालनमा छन् । त्यसमा करिब ५० देखि ६० हजारले रोजगारी पाइरहेको टेक्सटायल उद्योग संघका अध्यक्ष शैलेन्द्रलाल प्रधानले जानकारी दिए । साथै २० अर्व रुपैयाँ भन्दा बढीको लगानी रहेको छ ।
अहिले नेपालमा कुल मागको ९५ प्रतिशत कपडाहरु भारत र चीनबाट आयत हुने गरको छ भने बाँकी ५ प्रतिशत मात्र स्वदेशी उत्पादनले धानेको छ। त्यसमा पनि ९० प्रतिशत कपडा भन्सार छलि नेपाल भित्र्याउने गरको अध्यक्ष प्रधानले जानकारी दिए । यसलाई रोक्ने र भ्याट सुविधा यथावत नराखे उद्योग बन्द गर्ने चेतावनी पनि उनले दिए ।
त्यस्तै उनले टेक्सटायल बोर्ड गठनको माग पनि गरे । कपडा उद्योगको विकासका लागि विगतमा गठन गरिएको बोर्डलाई पुनर्जीवन दिनुपर्ने माग अध्यक्ष प्रधानको रहेको छ।
