प्रधानमन्त्री ओली भियतनाम प्रस्थान
काठमाडौं, २६ बैशाख । भियतनाम र कम्बोडिया भ्रमणका लागि प्रधानमन्त्री केपी शर्मा ओली भियतनाम प्रस्थान गरेका छन् । भियतनामका प्रधानमन्त्री गुएन सुआन फुक र कम्बोडियाका प्रधानमन्त्री सम्देह अक्का मोह सेना पडेइ टेको हुन सेनको निमन्त्रणामा प्रधानमन्त्री ओली त्यसतर्फ प्रस्थान गरेका हुन् ।
प्रधानमन्त्री ओलीको ६ दिनको भ्रमण तालिका तय गरिएको छ । भियतनाममा उनी बैशाख ३० गतेसम्म रहने छन् भने ३० गते नै उनी कम्बोडिया प्रस्थान गर्ने कार्यक्रम रहेको छ ।
त्यस्तै भ्रमणको क्रममा उनले दुई देशका विशिष्ट व्यक्तित्वहरुसँग भेटघाट र अन्तरक्रिया गर्ने छन् । प्रधानमन्त्री ओली जेठ १ गते स्वदेश फर्कने कार्यक्रम रहेको छ ।
