नेपाल भारत सीमा नाका बन्द
काठमाडौं,२६ वैशाख । कपिलवस्तुस्थित नेपाल भारत सीमा नाका शुक्रबार बाट तीन दिनको सम्मका लागि बन्द हुने भएको छ । भारतमा हुने लोकसभा चुनावका कारण भोली बिहान ७ बजेदेखि आइतबार साँझ ५ बजेसम्म सीमा नाका बन्द गर्न लागिएको हो।
नाका बन्द हुँदा बिरामी बोकेका एम्बुलेन्स र अत्यावश्यक काममा दुवै देशका सुरक्षाकर्मीको समन्वय गरी आवतजावत गर्नेबाहेक अन्य ओसारपसार तथा आवतजावत बन्द गरिनेछ । सशस्त्र प्रहरी बल सीमा सुरक्षा कार्यालय कपिलवस्तुका सशस्त्र प्रहरी उपरीक्षक दीपक अधिकारीका अनुसार नाकामा हुने कुनै पनि अवैध गतिविधि हुन नदिन नेपाल भारतका सुरक्षा अवस्था कडा परिने छ ।
