सेन्ट्रल फाइनान्सको हकप्रद शेयर पौष २३ बाट
काठमाडौं, ६ पौष । सेन्ट्रल फाइनान्सको हकप्रद शेयर पौष २३ बाट बिक्री खुल्ला हुने भएको छ । शेयर मुल्य समायोजन गरिएको छ । फाइनान्सले २ बराबर १ अर्थात ५० प्रतिशत हकप्रद शेयर निष्कासन गर्ने भएको छ । फाइनान्सको हकप्रद शेयरको आवेदन माघ २८ गतेसम्ममा लागि रहेको जनाइएको छ ।
सेन्ट्रल फाइनान्सले एक सय रुपैयाँ अंकित मुल्य भएको २६ लाख ३ हजार ३१४.०८ कित्ता हकप्रद शेयर निष्कासन गर्ने भएको छ । हकप्रद शेयर निष्कासनको लागि फाइनान्सले एनआईबिएल क्यापिटललाई बिक्री प्रबन्धकमा नियुक्त गरेको छ ।
फाइनासले हकप्रद शेयरको लागि पौष ४ गते शेयर दर्ता पुस्तिका बन्द गरेको थियो । हकप्रद दिने भएपछि फाइनान्सको शेयर १४८ रुपैयाँमा मुल्य समायोजन गरेको छ । नेप्सेको अनुसार फाइनान्सको शेयर आधार मुल्य १७१ रुपैयाँ रहेको छ ।
