एनआइसी एसिया क्यापिटललाई म्युचुअल फन्ड बिक्रीका लागि अनुमति
काठमाडौं, २६ असार । नेपाल धितोपत्र बोर्डले एनआइसी एसिया क्यापिटललाई १ अर्ब २५ करोड रुपैयाँ बराबरको म्युचुअल फन्ड बिक्री गर्न अनुमति दिएको छ। ‘एनआइसी एसिया ब्यालेन्स फन्ड’ योजनाको १२ करोड ५० लाख इकाई बिक्रीका लागि अनुमति दिइएको हो ।
यो योजनामा प्रतिइकाई १० रुपैयाँको दरले आवेदन दिन सकिने छ । ‘एनआइसी एसिया ब्यालेन्स फन्ड’ को बिक्री प्रबन्धकको काम पनि एनआइसी एसिया क्यापिटलले गर्नेछ ।
