भरतपुरस्थित वाणिज्य बैंकको कार्यालयमा आगलागी

काठमाडौ, २ भदौ । चितवन भरतपुर महानगरपालिका–१० स्थित चौबीसकोठी चोकमा रहेको राष्ट्रिय वाणिज्य बैंक भवनमा आगलागी भएको छ । बिहान भएको आगलागीबाट बैकका अधिकांश सामान जलेर नष्ट भएका छन् । शाखा प्रमुखको कार्यकक्ष जलेर ध्वस्त भएको छ । विद्युत् सर्ट भएर आगलागी भएको अनुमान गरिएको छ । आगलागीबाट भएको क्षतिको यकिन विवरण सङ्कलन भइरहेको छ । आगो डेढ घण्टामा नियन्त्रणमा आएको जिल्ला प्रहरी कार्यालयले जनायो ।