१४ सय विन्दु मुनि पुगेको नेप्से परिसुचक अन्त्यमा माथि उक्ल्यो, ७.१९ अंकले घट्यो शेयर बजार
काठमाडौं, ३ माघ । बुधबार शेयर बजारको परिसुचक नेप्से परिसुचक १४ सय विन्दु मुनि झरेर पुनः माथि उक्लेको छ । शेयर कारोबारको मध्य दिनमा नेप्से परिसुचक १३९९.६७ विन्दुमा पुगेको थियो । तर त्यस पछि नेप्से परिसुचक माथि उक्लन सक्यो । तर हिजोको तुलनामा आज दिनभरमा शेयर बजार ७.१९ अंकले घटेर १४०६.३२ विन्दुमा पुगेको छ ।
शेयर बजारमा गिरावट आए पनि बुधबार शेयर कारोबार रकममा भने वृद्धि आएको छ । आज शेयर बजारमा १५८ कम्पनीहरुको ९ लाख ७९ हजार १९६ कित्ता शेयरको किनबेचबाट ४० करोड ४८ लाख ६७ हजार ४६७ रुपैयाँको कारोबार भएको छ । आज शेयर बजारमा एक हजार रुपैयाँ भन्दा माथि बजार मुल्य भएका कम्पनीहरुको शेयर कारोबारको कारणले पनि कारोबार रकममा वृद्धि आएको हो ।
शेयर बजारमा आज लघुवित्त समुहको परिसुचकमा वृद्धि आएपनि अरु सबै समुहगत परिसुचकहरु घटेका छन् ।
