आगामी २० गतेसम्म लकडाउन कायम रहने

काठमाडौं, ४ जेठ । सरकारले लकडाउन जेठ २० गतेसम्म लम्ब्याउने निर्णय गरेको छ । आइतबार बसेको मन्त्रीपरिषद्को बैठकले लकडाउन लम्ब्याउने निर्णय गरेको अर्थ, सञ्चार तथा सूचना प्रविधि मन्त्री डा. युवराज खतिवडाले जानकारी दिए ।

नेपालमा संक्रमितको संख्या र मृत्यु हुनेको संख्या बढेसँगै यसअघि बसेको उच्चस्तरीय समन्वय समितिको बैठकले पनि लकडाउन लम्ब्याउनुपर्ने निष्कर्ष निकालेको थियो । हाल नेपालमा कोरोना संक्रमितको संख्या २९५ पुगेको छ भने कोरोना संक्रमणबाट मृत्यु हुनेको संख्या २ पुगेको छ ।