मुक्तिनाथ विकास बैंकले १५.५१ प्रतिशत लाभांश दिने
काठमाडौं, २२ मंसिर । मुक्तिनाथ विकास बैंकले १५.५१ प्रतिशत लाभांश दिने घोषणा गरेको छ । बैंकको आइतबार बसेको सञ्चालक समिति बैठकले आर्थिक वर्ष २०७६–७७ को नाफाबाट ११.२५ प्रतिशत बोनस र कर प्रयोजन ४.२६ प्रतिशत नगद लाभांश वितरण गर्ने घोषणा गरेको हो ।
बैंकले ४८ करोड ६५ लाख ६१ हजार रुपैयाँ बराबरको बोनस शेयर वितरण गर्नेछ भने १८ करोड ४२ लाख रुपैयाँ नगद बाँढ्ने छ । नेपाल राष्ट्र बैंक र आगामी वार्षिक साधारण सभाले अनुमोदन गरेपछि शेयरधनीले लाभांश पाउने छन् ।
