सुदूरपश्चिमको महाकाली अस्पतालमा अक्सिजन प्लान्ट जडान गर्न चार करोड निकासा
बिबेक नागरी
धनगढी, ३० वैशाख । महाकाली अस्पतालमा अक्सिजन प्लान्ट जडानका लागि संघीय सरकारले ४ करोड रुपैयाँ निकासा गरेको छ । अर्थ मन्त्रालयले दुई सय शैयालाई पुग्ने अक्सिजन प्लान्ट जडानका लागि आज चार करोड रुपैयाँ थप बजेट बिनियोजन गरेको हो ।
उक्त बजेटका लागि सांसद निरुदेवी पालले पहल गरेकी थिइन् । छिमेकी मुलुक भारतसँग खुल्ला सिमाना रहेको कञ्चनपुरको महाकाली अस्पतालमा अक्सिजन सहितका सेवा दिनुपर्ने बिरामीहरु बढिरहेको र अक्सिजन प्लान्ट नभएकाले उपचारमा कठिनाई भइरहेको छ ।
स्वास्थ्य मन्त्रालयलाई बजेट विनियोजनबारे जानकारी गराउँदै लिक्युड अक्सिजन प्लान्ट वा अक्सिजन प्लान्ट जडान गर्न सुदूरपश्चिमको सामाजिक विकास मन्त्रालयमा चार करोड रुपैयाँ थप निकासा गरिएको उल्लेख छ ।
