सेयर बजारमा पुन गिरावट
काठमाडौं, २६ चैत । सोमबार सेयर बजारमा सामान्य गिरावट आएको छ । अघिल्ला केही दिन निरन्तर उकालो लागेको बजार आज भने कारोबार सुरु भएसँगै उकालो लागे पनि अन्तमा ६.८७ अंकले घटेर बन्द भयो ।
सो दिन कारोबारमा आएका मध्ये अन्य समूह बाहेक बाँकी सबै समूहको परिसूचक ओरालो लागेको छ । अन्य समूहको परिसूचक २.९१ अंकले बढेको छ । सबैभन्दा बढी ३६ अंक सहित होटल समूहको परिसूचक घटेको छ । त्यस्तै इन्स्योरेन्स २९, उत्पादन तथा प्रशोधन २१, विकास बैंक समूह १८ अंकले घटेको छ । कारोबार अवधीभर एक सय ६९ कम्पनीको ९४ करोड रुपैयाँ बराबरको सेयर किनबेच भएको छ ।
पछिल्लो समय बामगठबन्धनको सरकार गठन भएसँगै निरन्तर घटिरहेको बजार अघिल्लो साताको देखि बढ्न थालेको थियो । हिजो मात्र पनि बजार ४४ अंकले बढेको थियो ।
