शेयर बजार लगातार उकालो गतिमा, परिसूचकसँगै कारोबार रकममा पनि वृद्धि
काठमाडौं, १० कात्तिक । लगातार उकालो लागेको नेप्से परिसूचक साताको चौथो कारोबार दिन बुधबार पनि बढेर बन्द भएको छ । गत कारोबार ७८ अंकले बढेको शेयर बजार आज १८.०६ प्रतिशत वृद्धि भएर २७६९.१३ विन्दुमा रोकिएको हो । आज कारोबार रकम पनि वृद्धि भएको छ । गत कारोबार दिन ६ अर्ब ३१ करोड रुपैयाँको शेयर कारोबार भएकोमा आज ३० करोड रुपैयाँ बढेर ६ अर्ब ६१ करोड २६ लाख रुपैयाँ कारोबार भएको छ ।
आज कारोबारमा आएका १३ समूहमध्ये ४ वटा समूहको परिसूचक घटेको छ भने बाँकी समूहको परिसूचक वृद्धि भएको छ । सर्वाधिक परिसूचक वृद्धि हुनेमा जीवन बीमा समूह रहेको छ । यो समूको परिसूचक २.०६ प्रतिशतले वृद्धि भएको छ ।
आज सर्वाधिक मूल्यको शेयर कारोबार नविल बैंक लिमिटेडको भएको छ । यो बैंकको ४३ करोड १९ लाख रुपैयाँको शेयर कारोबार भएको छ । यो कम्पनीको शेयर मूल्य १६०६ रुपैयाँ पुगेको छ ।
आज बेष्ट फाइनान्सको शेयर मूल्य ८.६८ प्रतिशतले वृद्धि भएर ५८० रुपैयाँ कायम भएको छ ।
२२८ धितोपत्रको १ करोड १५ लाख ९२ हजार कित्ता खरिद विक्री भएको छ ।
