तीन स्थानीय तहमा अझै पुगेनन् वाणिज्य बैंकका शाखा

काठमाडौं, १० कात्तिक । ग्रामीणस्तरसम्म बैंक तथा वित्तीय संस्था पुग्ने क्रम बढिरहे पनि तीन स्थानीय तहमा भने अझै पनि वाणिज्य बैंकका शाखा पुग्न बाँकी रहेको छ । नेपाल राष्ट्र बैंकको तथ्यांक अनुसार मुलुकका ७५३ स्थानीय तहमध्ये गत भदौ मसान्तसम्म ७५० वटामा मात्र वाणिज्य बैंकका शाखा पुगेका हुन् ।

वाणिज्य बैंकका शाखा नपुगेका स्थानीय तहहरूमा धादिङको रुवीभ्याली गाउँपालिका, जाजरकोटको जुनीचाँदे गाउँपालिका र बझाङको साइपाल गाउँपालिका रहेका छन् ।

गतवर्षको भदौ सोही अवधिमा ७४७ स्थानीय तहमा वाणिज्य बैंकका शाखा सञ्जाल विस्तार भएको थियो ।

समीक्षा अवधि वाणिज्य बैंकका शाखा ४ हजार ७७५, विकास बैंकका १ हजार २९, वित्त कम्पनीका २३७ र लघुवित्त कम्पनीका शाखा ४ हजार १४८ पुगेका छन् । सबै किसिमका बैंक तथा वित्तीय संस्था (पूर्वाधार विकास बैंकसमेत)को गरी सञ्चालनमा रहेका कुल शाखा संख्या १० हजार ८८२ रहेको छ ।

Leave a Reply

Your email address will not be published. Required fields are marked *