पोखराबाट धनगढी र जनकपुर उडान गर्दै बुद्ध एयर
काठमााडौं, ९ पुस । बुद्ध एयरलाइनसले पोखराबाट सुदूरपश्चिम प्रदेशको धनगढी र दुई नम्बर प्रदेशको जनकपुर पनि उडान सुरु गर्ने भएको छ ।
अन्तर शहर उडान काठमाडौं बाहिर पोखराबाट व्यावसायिक उडानको सम्भावना देखिएपछि बुद्धले विस्तारलाई तीव्रता दिएको हो ।
एयरलाइन्स अहिले पोखराबाट भरतपुर,भैरहवा, सिमरा, र नेपालगञ्ज उडान गरिरहेको छ। अहिले पोखराबाट सुरु भएको उडानबाट एयरलाइन्स उत्साहित भएको छ ।
तीन प्रकारका सिट क्षमताका जहाज भएको बुद्धले अहिले सबै जहाजबाट उडान गरिरहेको छ। ७२ सिट क्षमताका एटीआर–७२ ११ वटा, १८ सिट क्षमता बिचक्राफ्ट २ वटा र ४७ सिट क्षमताका एटीआर–४२ जहाज छन् । यात्रुको माग अनुसार जहाजबाट उडान भइरहेका बुद्ध एयरले जनाएको छ ।
