खल्तीले खोज्दै खल्ती लेख स्टार
काठमाडौं, १६ चैत । खल्ती डिजिटल वालेट खल्ती लेख स्टार को खोजीमा हिँडेको छ ।
इच्छुक व्यक्तिले आफ्नो कला पन्स पन्चलाईन, टंग ट्वीस्टर,कविता, उखान टुक्का, ट्याग लाइन्स , र्याप आदि मार्फत सोसल मिडिया मा प्रस्तुत गरी खल्ती लेख स्टारमा राखी आफ्नो फेसबुक, इन्स्टाग्राम, ट्विटर, युटुब या टिकटकमा सेयर गर्नु पर्ने बताइएको छ । पोस्ट गरे पश्चात आफ्नो पोस्टको लिंक खल्तीले प्रदान गरेको फारममा सम्पूर्ण विवरण सहित पठाई यस प्रतियोगितामा सहभागी हुन पाइने बताइएको हो । यो प्रतियोगिता चैत्र १५, देखि बैशाख १४, सम्म लागु हुने आयोजकले बताएको हो ।
प्रथम पुरस्कार रू.५०,००० दोस्रो पुरस्कार रू.२५००० तेस्रो पुरस्कार रू.१५००० सान्त्वना पुरस्कार रू.५,००० गरी ४ जनालाई पुरस्कारको व्यवस्थना गरेका र ३ जना बिजेताले खल्तीको भिडियोमा प्रस्तुत हुने मौका पाउन बताइएको छ ।
यस क्याम्पेनका बारेमा खल्तीका प्रमुख कार्यकारी अधिकृत विनय खड्काले भने खल्ती शब्द आफैमा हरेक व्यक्तिको दैनिक जीवन सँग आबद्द शब्द भईसकेको छ । यस कुरालाई मध्यनजर गर्दै खल्ती लेखस्टार मार्फत विभिन्न लेख प्रतिभाहरुलाई हौशला दिने उद्देश्यले यो योजना ल्याएको उनले बताएका हुन ।
