उद्योग वाणिज्य महासंघको महानिर्देशकमा गोकर्णराज अवस्थी नियुक्त
काठमाडौं, ३० चैत । नेपाल उद्योग वाणिज्य महासंघकाे महानिर्देशकमा गोकर्णराज अवस्थी नियुक्त भएका छन् । महासंघको चैत २७ गते सम्पन्न कार्यकारिणी समितिको नवौँ बैठकले उनलाई महासंघको रिक्त महानिर्देशक पदमा अवस्थीलाई नियुक्त गर्ने निर्णय गरेको हो ।
त्रिभुवन विश्वविद्यालयबाट व्यवस्थापनमा विषयमा स्नातकोत्तर गरेका अवस्थीले इन्डियन इन्स्टिच्युट अफ मास कम्युनिकेसनबाट विकास पत्रकारितामा डिप्लोमा गरेका छन ।
अर्थतन्त्र, निजी क्षेत्र, दिगो विकासलगायत मामिलामा जानकार महानिर्देशक अवस्थीक नेपाल आर्थिक पत्रकार समाज(सेजन) का पूर्वअध्यक्ष हुन् । करिब दुई दशक भन्दा बढी आर्थिक पत्रकारिता गरेका अवस्थीसँग संयुक्त राष्ट्र संघको दिगो विकास लक्ष्यको सल्लाहकारका रूपमा काम गरेको अनुभव समेत छ । नवनियुक्त महानिर्देशक अवस्थीसँग उद्योग, वाणिज्य सहित समग्र निजी क्षेत्रका विषयमा पनि अनुभव रहेको छ ।
