मकालु एयरलाइन्सको बिमान दुर्घटनाग्रस्थ अवस्थामा हुम्लाको खार्पुनाथमा भेटियो
काठमाडौं, २ जेठ । आज बिहान सुर्खेतबाट सिमिकोटका लागि उडेको मकालु एयरलाईन्सको कार्गो जहाज हुम्लाको खार्पुनाथमा दुर्घटनाग्रस्त अवस्थामा भेटिएको छ । खर्पुनाथ गाउँपालिकाको बाम खर्कमा उद्दारमा गएको माउन्टेन हेलिकप्टरले दुर्घटनास्थल पत्ता लगाएको हो ।
दुर्घटनास्थलमा सेना र प्रहरी पुगिसकेको एयरलाइन्सले जानकारी दिएको छ । ९एन एजेयु कल साइन भएको सो जहाजमा क्याप्टेन किरण भट्टराई र को–पाइलट आदित्य नेपाली मात्र सवार थिए । घटनास्थलमा उनीहरु दुबैको जनाको शव फेला परेको छ ।
